АВТОМОБИЛИ ТЕХНОЛОГИЈА

Хјундаи го претстави концептот на „новиот и голем“ SUV модел “HDC 2 Grandmaster”

Корејскиот производител на Саемот за автомобили во Бусан го претстави концептот наречен “HDC 2 Grandmaster” како најава за идниот голем SUV модел на Хјундаи.

Хјундаи “Grandmaster” во продукциската варијанта ќе ја заземе позицијата над SUV моделот Santa Fe и практично го претставува духовниот наследник на моделот “ix55/Veracruz” кој што не се произведува од 2012-та година.

Се шпекулира дека новиот SUV на Хјундаи би можел да ја има и ознаката “Palisade” со оглед на тоа што корејскиот автомобилски гигант неодамна го заштитил тоа име.

Покрај тоа, концептот “Grandmaster” покажува во која насока во иднина ќе се развива дизајнот на автомобилите на Хјундаи.

SUV концептот кој што е претставен во Бусан има футуристички изглед со масивна, хромирана предна маска, предни и задни светла со ЛЕД технологија и големи тркала.

Од Хјундаи не објавија технички детали за концептот, но продукциската верзија, покрај конвенционалните, би требало да пристгне и со агрегат на алтернативен погон, без разлика дали ќе станува збор за хибриден погонски сисем или целосна електрификација.

Loading...

Related posts

Флертување со помош на Фејсбук: Нова функција за покривање на скандалот?

vesti24

(ВИДЕО) Британец уапсен откако ја пушти својата „Tesla Model S“ на автопилот

vesti24

Масовната тужба против Google во Велика Британија поради следењето на корисниците на iPhone на Apple

vesti24